遇過太多常識失效的情況，於是便有寫這系列短文的意欲，可能是科普也可能是文史哲，今次想寫的，是名為「洗滌器」的高深技術。
據說環境局不安裝岸電裝置的原因，是因為有「洗滌器」這新技術；立法會議員也討論一番有關技術的進展；記者打來問「洗滌器」是否新技術；環團好似都未聽過「洗滌器」這東西。
大佬。「洗滌器」即係scrubber，中五化學堂已經教，簡單講就係將污染氣體泵入水的設施。
下？新技術？
原理非常簡單。船燃燒燃油排放二氧化硫，後者溶水性極高，入水就溶，就係咁。
咁一早裝哂scrubber，香港二氧化硫的污染是否冇咁嚴重？
係架，不過即使係咁，本港的天星小輪都只係研究安裝中。同埋順手提提大家，二氧化硫溶係水，會變成硫酸，即係鏹水，可以用黎毀容。要減低毒性，要用弱鹼中和沉澱，但又會產生大量sulphate(收皮)。
Sulphate係咩？Shampoo入面都有好多，亦都係化肥的主要成份。想像下郵輪級數既化肥倒落海會發生咩事⋯⋯
係，我係行緊「靠嚇」政策，不過都係想大家明白，所謂新技術，其實底牌係咩一回事而已。
係囉，洗滌器減排真係幾有效，最緊要夠平者。
